Bu gün futbol üzrə Azərbaycan Premyer Liqasında XXIX turun ilk oyunları keçiriləcək.
Doğru.az xəbər verir ki, günün açılış matçında “İmişli” komandası “Sumqayıt”ı qəbul edəcək. Qarşılaşma Quba Olimpiya İdman Kompleksində saat 16:00-da start götürəcək. Qonaqlar 35 xalla 7-ci, nominal meydan sahibləri isə 29 xalla 9-cu pillədə qərarlaşıb.
Günün ikinci oyununda isə “Qəbələ” öz meydanında “Araz-Naxçıvan”la üz-üzə gələcək. Matç saat 18:30-da başlayacaq. Naxçıvan təmsilçisi 39 xalla 6-cı, “Qəbələ” isə 19 xalla 11-ci sıradadır.
Qeyd edək ki, turun son görüşləri aprelin 27-də keçiriləcək.
DOĞRU.AZ
