image-2000x150px
image-123
image-ads_atlas
image-hebsbackend

Qadın adı ilə komandiri təhqir etdi, məhkəmədə həbs olundu

image-728x90px

Naxçıvan Muxtar Respublikasında yerləşən hərbi hissənin keçmiş əməkdaşı həbs edilib.

“Qafqazinfo” xəbər verir ki, 1994-cü il təvəllüdlü Qasım Alıyev (şərti) bu ilin 14 iyul tarixində rəhbərliyin təqdimatı əsasında nazirin əmri ilə ehtiyata buraxılıb. Onun xidmətə uyğunsuzluğu əsas gətirilib və hərbi hissə komandiri sıranın önündə Q.Alıyevin xidmətdən kənarlaşdırılması barədə əmri oxuyub.

Bunu özünə sığışdıra bilməyən və komandirin ona qərəzli münasibətdə olduğunu düşünən Q.Alıyev sonra “Instagram”da qadın adı ilə saxta profil açıb. O, “Gulya” adı ilə açdığı profildə hərbi hissə komandirinin ünvanına ağır təhqirlər yazıb, onu bəzi çirkin əməllərdə ittiham edib.

Komandirin müraciətindən sonra araşdırma aparılıb və qadın adı ilə yazan şəxsin işdən çıxarılan Qasım Alıyev olması müəyyən edilib. Naxçıvan Şəhər Məhkəməsində onun barəsində Cinayət Məcəlləsinin 148-1-ci (İnternetdə saxta ad, profil və ya hesablardan istifadə edərək böhtan atma, təhqir etmə) maddəsi ilə edilmiş xüsusi ittiham qaydasında şikayətə baxılıb.

Məhkəmədə Qasım Alıyev törətdiyi əməli etiraf edib. Hərbi hissə komandiri isə Q.Alıyevə il ərzində 4 dəfə töhmət verildiyini, intizamsız davranışlarına görə xidmətdən kənarlaşdırıldığını bildirib.

Naxçıvan Şəhər Məhkəməsində keçirilən proses ötən həftə başa çatıb. Məhkəmənin hökmü ilə Q.Alıyevə 4 ay həbs cəzası verilib. İstintaq müddətində polisin nəzarəti altında saxlanılan şəxs məhkəmə zalındaca həbs edilib.

DOĞRU.AZ

image-nerjbanner

  • whatsapp
  • messenger
  • telegram
  • vkontakte
  • odnoklassniki