Bu gün axşam saatlarından başlayaraq Qax rayonu ərazisinə güclü qar yağmağa başlayıb.
“Report”un Şimal-qərb bürosunun məlumatına görə, qar əsasən rayonun dağlıq kəndləri olan İlisu, Sarıbaş və Ağçay kəndlərinə yağıb. Daha sonra Qax şəhəri də ağ örpəyə bürünüb.
Hazırda yağmaqda davam edən qarın qalınlığı İlisu kəndində 20-25 sm, şəhər mərkəzində isə 10 sm təşkil edir. Qarın yağması ilə rayon ərazisi, avtomobil yolları qarla örtülüb.
Qeyd edək ki, mart ayında yağan qar taxıl sahələrinə xeyirli olsa da, yeni çiçək açan meyvə ağaclarına ziyan vurur.
00:56
Gəncə şəhərinə və ətraf bölgələrə qar yağır.
APA-nın yerli bürosunun verdiyi məlumata əsasən, saat 19.00 dan başlayan yağış 22.00-dan etibarən sulu qara və qara çevrilib.
Göygöl, Daşkəsən və Şəmkir rayonlarına qar daha intensiv düşüb. Yollarda hərəkətin təmini üçün artıq işlərə başlanılıb və avtomobillərin hərəkətində heç bir məhdudiyyət yoxdur.
