Milli Hidrometeorologiya Xidməti mayın 23-nə gözlənilən hava şəraiti ilə bağlı məlumat yayıb.
Qurumdan Doğru.az-a verilən məlumata görə, sabah Bakıda və Abşeron yarımadasında hava dəyişkən buludlu, əsasən yağmursuz olacaq. Şimal-şərq küləyini günün ikinci yarısında cənub-şərq küləyi əvəz edəcək.
Havanın temperaturu:
Bakıda gecə 15-17°, gündüz 24-29° isti
Rayonlarda gecə 13-18°, gündüz 26-31° isti
Dağlıq ərazilərdə gecə 5-10°, gündüz 15-20°, bəzi yerlərdə 25°-dək isti olacaq.
Xüsusi bölgələr üzrə hava proqnozu:
Naxçıvan: Gündüz 28-33° isti, yağmursuz
Şərqi Zəngəzur (Laçın, Kəlbəcər və s.): Gün ərzində qısamüddətli leysan, dolu və şimşək ehtimalı
Qarabağ və ətraf rayonlar (Şuşa, Xankəndi, Ağdam və s.): Əsasən yağmursuz, 16-25° isti
Gəncə-Qazax zonası: Yağmursuz, 24-29° isti
Şimal-qərb bölgəsi (Şəki, Qəbələ və s.): Axşama doğru bəzi dağlıq yerlərdə yağış, dolu gözlənilir
Cənub bölgəsi (Lənkəran, Astara, Masallı və s.): Yağmursuz, 25-30° isti
Atmosfer təzyiqi Bakıda 761 mm civə sütununa enəcək, nisbi rütubət isə gündüz 45-50% təşkil edəcək.
Doğru.az xəbər verir ki, ölkə üzrə sabit və isti hava şəraiti davam edəcək, lakin bəzi dağlıq ərazilərdə lokal yağışlar müşahidə oluna bilər.
DOĞRU.AZ
