Milli Hidrometeorologiya Xidməti iyulun 11-nə hava proqnozunu açıqlayıb.
Doğru.az xəbər verir ki, Bakıda və Abşeron yarımadasında hava dəyişkən buludlu, əsasən yağmursuz keçəcək. Lakin iyulun 10-dan 11-nə keçən gecə və səhər bəzi yerlərdə qısamüddətli az yağış yağması ehtimalı var.
Şimal-qərb küləyi əsəcək, gündüz cənub-şərq küləyi ilə əvəzlənəcək. Temperatur gecə 20-25, gündüz 31-36 dərəcə isti olacaq.
Rayonlarda hava əsasən yağmursuz, bəzi dağlıq ərazilərdə qısamüddətli yağış və şimşək çaxması gözlənilir. Temperatur gecə 20-25, gündüz 33-38, dağlarda gecə 8-13, gündüz 20-25 dərəcə isti olacaq.
DOĞRU.AZ
