Mayın 11-nə gözlənilən hava şəraiti barədə Milli Hidrometeorologiya Xidməti məlumat yayıb. Proqnoza əsasən, Bakıda və Abşeron yarımadasında hava dəyişkən buludlu olacaq, əsasən yağmursuz keçəcək. Cənub-qərb küləyi günün ikinci yarısında mülayim şimal-qərb küləyi ilə əvəz olunacaq. Gecə temperatur 16-19° isti, gündüz isə 25-29° isti olacaq. Atmosfer təzyiqi normadan aşağı – 756 mm civə sütunu təşkil edəcək. Nisbi rütubət gecə 60-70 %, gündüz isə 45-55 % civarında dəyişəcək.
Respublikanın rayonlarında hava əsasən yağmursuz olacaq. Lakin gündüz saatlarından etibarən şimal və qərb bölgələrindən başlayaraq bəzi yerlərdə arabir yağış yağacağı, şimşək çaxacağı gözlənilir. Yağıntıların leysan xarakterli intensiv olması, dolu düşməsi, yüksək dağlıq ərazilərdə isə sulu qara keçməsi ehtimal edilir. Arabir duman müşahidə olunacaq. Qərb küləyi bəzi bölgələrdə arabir güclənəcək. Havanın temperaturu gecə 14-19°, gündüz 26-31°, dağlıq ərazilərdə isə gecə 5-10°, gündüz 15-20° isti olacaq.
Naxçıvan Muxtar Respublikasının bir çox ərazilərində hava əsasən yağmursuz keçəcək. Günorta saatlarından etibarən bəzi bölgələrdə qısa müddətli yağış, şimşək və dolu müşahidə oluna bilər. Yüksək dağlıq ərazilərdə qar ehtimalı var. Qərb küləyi əsəcək. Temperatur gecə 10-15°, gündüz 25-30° isti olacaq.
İşğaldan azad olunmuş ərazilərdə – Xankəndi, Şuşa, Xocalı, Xocavənd, Füzuli, Ağdam, Şərqi Zəngəzur və digər bölgələrdə hava əsasən yağmursuz olacaq. Lakin gündüz bəzi ərazilərdə arabir leysan xarakterli yağış və şimşək gözlənilir. Dolu və sulu qar ehtimalı da var. Temperaturun gecə 7-12°, gündüz isə 17-26° arasında dəyişəcəyi bildirilir.
Qərb və Şimal-Qərb bölgələrində – Gəncə, Tovuz, Şəmkir, Qazax, Samux və digər rayonlarda gündüz saatlarından başlayaraq bəzi yerlərdə yağış yağacağı, dolu düşəcəyi gözlənilir. Temperatur gecə 12-17°, gündüz isə 24-29° isti olacaq.
Şimal və Şimal-Şərq bölgələrində – Quba, Qusar, Şəki, Qəbələ, İsmayıllı və digər rayonlarda hava əsasən yağmursuz olacaq. Lakin dağlıq ərazilərdə arabir yağış, şimşək və sulu qar ehtimalı var. Havanın temperaturu gecə 12-17°, gündüz 23-28°, dağlarda isə 15-20° isti təşkil edəcək.
Aran bölgələrində – Yevlax, Kürdəmir, İmişli, Bərdə, Sabirabad, Saatlı və digər rayonlarda hava əsasən yağmursuz olacaq. Axşam saatlarında bəzi yerlərdə leysan yağış, dolu və şimşək müşahidə oluna bilər. Gecə 14-19°, gündüz isə 26-31° isti olacaq.
Cənub bölgəsində – Lənkəran, Masallı, Astara, Yardımlı və Lerikdə hava əsasən yağmursuz keçəcək. Dağlıq ərazilərdə isə leysan yağış və şimşək ehtimalı var. Temperatur gecə 14-17°, gündüz 25-30°, dağlarda isə 20-25° isti olacaq.
Doğru.az oxucularına tövsiyə olunur ki, səfərlərini planlaşdırarkən hava şəraitinə diqqət etsinlər.
DOĞRU.AZ
