1972-ci ildə Veneraya çatmayan sovet planetlərarası “Kosmos-482” stansiyası mayın 9-10-da Yerə düşəcək.
Bu barədə Roskosmosun mətbuat xidmətinə istinadən xəbər verir.
“Aparatın diametri təqribən 1 m, kütləsi isə 500 kq-dan azdır ki, bu da “Soyuz” eniş aparatının kütləsindən demək olar ki, altı dəfə azdır”, – məlumatda deyilir.
Dövlət korporasiyası aydınlaşdırıb ki, “Kosmos-482”nin düşməsi nəticəsində dəyən ziyan ehtimalı olduqca aşağıdır.
Stansiya 1972-ci ildə Veneraya buraxılıb, lakin gücləndirici qurğunun anormal işləməsi səbəbindən cihaz planetlərarası trayektoriyaya daxil olmayıb və yüksək elliptik orbitdə qalıb.
DOĞRU.AZ
