Bu gün Avropanın yaşıl meydanlarında bir sıra maraqlı futbol matçları keçiriləcək.
DOĞRU.AZ Oxu.Az –a istinadənxəbər verir ki, İngiltərə Premyer Liqasında çempionluğu rəsmiləşən “Mançester Siti” “Çelsi”ni qonaq edəcək. Matç saat 19:00-da (Bütün oyunların saatı Bakı vaxtı ilə göstərilib – red.) start götürəcək.
Fransa Liqa 1-də bu gün çempion müəyyənləşə bilər.
“Lans” səfərdə “Loryan”a uduzacağı təqdirdə PSJ “Oser”lə matçda bir xal qazana bilsə, mövsümün qalibi olacaq.
“Lans” heç-heçə edərsə, bu zaman qələbə PSJ-ni çempion edəcək.
Almaniya Bundesliqasında lider dəyişə bilər. “Bavariya”nın dünən “Leypsiq”ə məğlubiyyətindən sonra Dortmund “Borussiya”sı üçün zirvəni ələ keçirmək fürsəti yaranıb. Edin Terziçin komandası saat 19:30-da start götürəcək oyunda “Auqsburq”u yensə, son tura “Bavariya”dan iki xal üstün yollanacaq.
İtaliya A Seriyasında çempion “Napoli” “İnter”i qəbul edəcək.
Görüş saat 20:00-da başlayacaq. Çempionlar Liqasına vəsiqə uğrunda mübarizə aparan
“Latsio” isə “Udineze”nin qonağı olacaq. İspaniya La Liqasında ikincilik uğrunda yarışan komandalar meydana çıxacaqlar.
“Atletiko” saat 18:15-də “Osasuna”nı sınağa çəkəcək.
Saat 20:30-da isə “Real Madrid” “Valensiya”nın qonağı olacaq. Hazırda “kral klubu” 71 xalla 2-ci, “hindular” 69 xalla 3-cüdür.
Avropada günün maraqlı futbol matçları 21 may İngiltərə Premyer Liqası
19:00. “Mançester Siti” – “Çelsi”
Fransa Liqa 1
19:05. “Loryan” – “Lans”
22:45. “Oser” – PSJ
Almaniya Bundesliqası
19:30.
“Auqsburq” – “Borussiya” (Dortmund)
İtaliya A Seriyası
20:00. “Napoli” – “İnter”
22:45. “Udineze” – “Latsio”
İspaniya La Liqası
18:15. “Atletiko” – “Osasuna”
20:30. “Valensiya” – “Real Madrid”
