Azərbaycan ilk dəfə olaraq biznes turizmi potensialını beynəlxalq platformada təqdim edir. 18-19 mart tarixlərində Connect Marketplace Hong Kong 2026 çərçivəsində ölkəmizin bu sahədə imkanları nümayiş olunur.
Azərbaycan Turizm Bürosu yerli tərəfdaşlarla birlikdə tədbirdə iştirak edərək ölkənin işgüzar turizm sahəsində artan potensialını təqdim edir.
Doğru.az xəbər verir ki, təqdimatda xüsusilə beynəlxalq konfransların və iri tədbirlərin təşkili üçün mövcud infrastruktur ön plana çıxarılıb.
Platforma Asiya regionunda biznes tədbirləri üzrə aparıcı B2B məkanlardan biri sayılır və qlobal tərəfdaşların qurulmasına imkan yaradır. Bu iştirak Azərbaycanın beynəlxalq turizm bazarında mövqeyinin gücləndirilməsinə xidmət edir.
DOĞRU.AZ
