Azərbaycan ilə Slovakiya arasında 1993-cü ildə qurulan diplomatik əlaqələr ötən il Prezident İlham Əliyev və Slovakiyanın Baş naziri Robert Fitso tərəfindən imzalanan Strateji Tərəfdaşlıq haqqında Birgə Bəyannamə ilə ən yüksək səviyyəyə qalxıb.
Doğru.az xəbər verir ki, liderlər bununla Azərbaycan-Slovakiya münasibətlərində yeni səhifənin açıldığını bəyan ediblər.
İki ölkə arasında əlaqələr yüksək səviyyəli səfərlər, parlament diplomatiyası və iqtisadi layihələr vasitəsilə inkişaf etdirilir. Ekspertlər hesab edirlər ki, Prezident İlham Əliyevin Slovakiyaya ilk rəsmi səfəri və keçirilən görüşlər siyasi, iqtisadi və mədəni sahələrdə ikitərəfli münasibətlərin daha da genişlənməsinə əhəmiyyətli töhfə verəcək.
Mənbə: AZƏRTAC
