image-2000x150px
image-pgt2uvy6fenfb6ffbqckvz3ipc5drcog5xm45fvkbackend

Bərdədə “Pambıq əkini üçün dondurma şumunun və aratın əhəmiyyəti” mövzusunda tarla müşavirəsi keçirilib – FOTO

image-728x90px

Kənd Təsərrüfatı Nazirliyinin təşkilatçılığı ilə Bərdə rayonu ərazisində “Pambıq əkini üçün  dondurma şumunun və aratın əhəmiyyəti” mövzusunda tarla seminarı keçirilib. Tədbirdə kənd təsərrüfatı nazirinin müşaviri Şöhrət Vəkilov, Kənd Təsərrüfatı Nazirliyinin Bitkiçiliyin təşkili və monitorinqi şöbəsinin müdiri İmran Cümşüdov, Bitki Mühafizəsi və Texniki Bitkilər Elmi-Tədqiqat İnstitutunun nümayəndələri, Bərdə, Yevlax, Tərtər rayonlarının Dövlət Aqrar İnkişaf Mərkəzlərinin rəhbərləri, pambıq emalı müəssisələrinin təmsilçiləri və fermerlər iştirak edib.

Müşavirədə Bitki Mühafizəsi və Texniki bitkilər Elmi-Tədqiqat İnstitutunun direktor müavini Fariz Ələkbərov təqdimatla çıxış edərək dondurma şumunun və aratın əhəmiyyəti barədə tədbir iştirakçılarına ətraflı məlumat verib.

Tarla müşavirəsində bildirilib ki, cari ildə respublikada 100 min hektar sahədə pambıq əkilməsi nəzərdə tutulub. Pambıq əkiləcək sahələrdə şum və arat işlərinin müvafiq olaraq yanvar və fevral ayının birinci ongünlüyünə qədər yekunlaşmasının əhəmiyyətini nəzərə alaraq bu məsələlərin daim diqqətdə saxlanılması və suvarma suyu ilə bağlı yaranmış çətinliklərin aradan qaldırılması üçün bütün imkanlardan istifadə edilməsinin vacibliyi qeyd olunub.

Tədbirin sonunda fermer Musa Quliyevin pambıq əkini üçün hazırlanan sahəsində fermerlərin və müşavirə iştirakçılarının iştirakı ilə şum və arat işlərinin aparılması nümayiş etdirilib, qarşılıqlı fikir mübadiləsi aparılıb və  fermerlərin sualları cavablandırılıb.

image-q7stls2tursfeeovupbc29sxh6zpfeyqjjurgd1n image-sloymcy6ogxupesv34pfphab2cdczti47zao5mho image-fkfovrgvn5glkdlp1u9i5eumn9ekrts2xbcmze0o image-ffphgfgtuqfbnjd7rpyjymdfqvnpaazm7o0etpg6 image-yrioiw3ithj0r1j2euwlom2tnidxlaiylpinpmwf image-cs3ec0baxgemskkim3f627z7mmr4htaqigt60pvo
image-728x90px

  • whatsapp
  • messenger
  • telegram
  • vkontakte
  • odnoklassniki