ABŞ dövlət katibi Antoni Blinken bildirib ki, Vaşinqton informasiya sahəsində öz norma və standartlarını güclü mövqedən irəli sürməlidir.
Bu barədə dövlət katibi San-Fransiskoda informasiya təhlükəsizliyi konfransında çıxışında bildirib.
Blinkenin sözlərinə görə, güclü mövqedən işləmək bütün dünyada standartlar yaratmaq və normaları təbliğ etmək üçün təbii olaraq ən yaxşısıdır. Dövlət katibi vurğulayıb ki, ABŞ-ın texnologiya yaratmaq, inkişaf etdirmək və tətbiq etmək bacarığı onun texnoloji gələcəyi formalaşdırmaq qabiliyyətini müəyyən edəcək.
Bundan əvvəl ABŞ senatoru Elizabet Uorren bildirmişdi ki, Rusiya Ukraynada Starlink internet terminallarından qeyri-qanuni istifadə edir.
Mənbə: Haber Global
