Mayın 8-də Böyük Vətən Müharibəsində qələbənin 80-ci ildönümünü qeyd etmək üçün Moskvaya gələcək Braziliya prezidenti Luiz İnasio Lula da Silva Rusiya ilə mayeləşdirilmiş təbii qazın (LNG) istehsalı və uran yataqlarının işlənməsi üzrə müqavilə bağlamaq niyyətindədir, Exame qəzeti mənbələrə istinadən yazır.
Nəşrdə qeyd edildiyi kimi , Braziliya Rusiyaya uran yataqlarının işlənməsi üzrə birgə müəssisənin yaradılmasını təklif etmək niyyətindədir.
Sazişin “Techsnabexport” (“Rosatom”un törəmə şirkəti) və “Núcleo Brasil” korporasiyası tərəfindən imzalanacağı gözlənilir.
Nəşrin mənbələrinə görə, Braziliya nümayəndə heyəti Braziliyada LNG infrastrukturunun gələcək inkişafı üçün NOVATEK ilə müqavilə bağlamaq, həmçinin LNG istilik elektrik stansiyalarının istehsalı layihələrinə Rusiya investisiyalarını artırmaq niyyətindədir.
Tərəflər həmçinin gübrə istehsalı, mədənçıxarma və enerji sahələrində imkanları müzakirə etmək niyyətindədirlər.
DOĞRU.AZ
