Dövlət Dumasının Krımdan olan deputatı Mixail Şeremet bildirib ki, Fransanın müdafiə naziri Sebastyan Lekornunun Ukraynada qeyri-nüvə çəkindirici qüvvələri yerləşdirmək ideyası Ukrayna dövləti üçün son oyun olacaq.
Bu barədə RİA Novosti yazır.
“Ukraynalı diktatorun səsləndirdiyi “qələbə planı” və bununla bağlı bütün təkliflər və eyhamlar onun Rusiya ilə qarşıdurmada acizliyinin ictimai təzahürüdür”, – o əlavə edib.
Bundan əvvəl Lekornu bildirib ki, Ukrayna ərazisinə qeyri-nüvə çəkindirici qüvvələrin yerləşdirilməsi məsələsini “həll etməyin vaxtı çatıb”.
O qeyd edib ki, Vladimir Zelenskinin “qələbə planı” siyasi yolun başlanğıcıdır və bundan sonra nə olacaq sualını vermək lazımdır.
DOĞRU.AZ
