Afrikalı miqrantın on yaşlı qıza təcavüz etməsi ilə bağlı xəbərdən sonra Dublində etirazlar ardıcıl ikinci gecə davam edib.
Doğru.az xəbər verir ki, Sky News-un məlumatına görə, insanlar cinayətin baş verdiyi güman edilən ərazi yaxınlığında, sığınacaq axtaranların yerləşdiyi otelin önündə toplaşıblar. Hadisə yerində polis maşınının yandığı, bir neçə etirazçının isə İrlandiya bayraqları daşıdığı bildirilib. Camaatın bəziləri hüquq-mühafizə orqanlarının əməkdaşlarına daş və digər əşyalar atıb.
Yerli televiziya kanalı RTÉ-nin məlumatına görə, etirazlarda təxminən 2 min nəfər iştirak edib. Eyni zamanda, İrlandiyanın ədliyyə naziri Jim O’Callaghan təcavüzdə şübhəli bilinən şəxsin həbs edildiyini və ictimai təhlükəsizliyə heç bir təhlükənin olmadığını bildirib. O qeyd edib ki, iğtişaşlara heç bir bəraət qazandırmaq olmaz və polis əməkdaşlarına hücumlara “səbir göstərilməyəcək”.
DOĞRU.AZ
