Şeremetyevo hava limanında 2 kq ağırlığında və 8,6 milyon rubl dəyərində qızıl zənciri Türkiyəyə ixrac etmək cəhdinin qarşısı alınıb.
Bu barədə Federal Gömrük Xidməti öz Telegram kanalında məlumat yayıb.
“Müfəttişlər gömrük nəzarəti zamanı əcnəbinin çantasından çəkisi 2 kq olan sarı rəngli metal zəncir aşkar ediblər”, – məlumatda deyilir.
Həmin şəxsin gömrük bəyannaməsi olmadan bahalı zənciri daşımağa çalışdığı dəqiqləşdirilir.
Ekspertiza məlumatlarına görə, zəncir 99,5% qızıl tərkibli qızıl ərintisindən hazırlanıb və hazır zərgərlik məmulatı deyil.
DOĞRU.AZ
