Müslüm Maqomayev adına Azərbaycan Dövlət Akademik Filarmoniyasının Kamera və Orqan Musiqisi zalında “Kamera musiqisi axşamı” adlı konsert proqramı təşkil olunub.
Doğru.az xəbər verir ki, konsertdə klassik musiqi irsinin iki möhtəşəm əsəri — Lüdviq van Bethovenin 4 saylı simli kvarteti (c-moll, op.18) və Sezar Frankın D-dur simli kvarteti səsləndirilib.
Tədbirdə səhnəyə Azərbaycan Dövlət Simli Kvarteti çıxıb. 1998-ci ildə yaradılan bu kollektivin repertuarı Azərbaycan və xarici bəstəkarların klassik və müasir əsərləri ilə zəngindir.
Kvartetin tərkibinə aşağıdakı ifaçılar daxildir:
Nəzrin Aslanlı – I violin
Xəyalə Abdullayeva – II violin
Vaxtanq İmanov – viola
Aleksey Miltıx – violonçel
Bu musiqi axşamı dinləyicilərə klassik harmoniyanın incə zövqünü və canlı ifanın yüksək enerjisini hiss etdirdi.
DOĞRU.AZ
