Həftəsonu Avropa futbolunun ən maraqlı qarşılaşmaları – AFİŞA

Həftəsonu Avropanın yaşıl meydanlarında bir sıra maraqlı futbol qarşılaşmaları keçiriləcək.

İngiltərə Premyer Liqasında çempionluğa oynayan “Mançester Siti” “Lester”i sınağa çəkəcək. Bu gün keçiriləcək qarşılaşma Bakı vaxtı ilə 20:30-da başlayacaq. Lider “Arsenal” sabah saat 17:00-da “Vest Hem”in qonağı olacaq. “Mançester Yunayted” isə səfərdə “Nottingem”in müqavimətini qırmağa çalışacaq.

Fransa Liqa 1-də lider PSJ ən yaxın izləyicisi “Lans”la münasibətlərinə aydınlıq gətirəcək. Bu gün keçiriləcək matç Bakı vaxtı ilə 23:00-da başlanacaq.

Almaniya Bundesliqasında çempionluğa oynayan “Bavariya” və “Borussiya” eyni gündə, eyni saatda meydana çıxacaqlar. Bu gün 17:30-da baş tutacaq qarşılaşmalarda Münhen klubu “Hoffenhaym”ı əliboş yola salmağa çalışacaq, Dortmund təmsilçisi isə “Ştutqart” səfərində uğur əldə etmək istəyəcək.

İtaliya A Seriyasında lider “Napoli” bu gün öz meydanında “Verona”nı sınağa çəkəcək. Matç Bakı vaxtı ilə 20:00-da start götürəcək. Saat 17:00-da “Milan” “Bolonya” səfərində meydana çıxacaq, 22:45-də isə “İnter” “Montsa” ilə üz-üzə gələcək. Sabah “Yuventus” “Sassuolo”nun qonağı olacaq, “Roma” isə “Udineze”ni qəbul edəcək.

İspaniya La Liqasında bu gün saat 23:00-da “Real Madrid” “Kadis”in qonağı olacaq. Lider “Barselona” sabah meydana çıxacaq. Katalonlar saat 18:15-də səfərdə “Xetafe” ilə üz-üzə gələcəklər. “Atletiko” isə “Almeriya”nı sınağa çəkəcək.

Türkiyə Super Liqasında bu gün “Fənərbağça” “Ankaragücü”nün müqavimətini qırmağa çalışacaq. Matç saat 21:30-da başlayacaq. Sabah isə “Beşiktaş” uğursuz mövsüm keçirən “Trabzonspor”un qonağı olacaq.

Həftəsonunun ən maraqlı oyunları

15 aprel

İngiltərə Premyer Liqası

20:30. “Mançester Siti” – “Lester”

Fransa Liqa 1

23:00. PSJ – “Lans”

Almaniya Bundesliqası

17:30. “Bavariya” – “Hoffenhaym”

17:30. “Ştuttqart” – “Borussiya” (Dortmund)

İtaliya A Seriyası

17:00. “Bolonya” – “Milan”

20:00. “Napoli” – “Verona”