Həftəsonu Avropanın yaşıl meydanlarında bir sıra maraqlı futbol qarşılaşmaları keçiriləcək.
İngiltərə Premyer Liqasının XXXII turunda “Liverpul” “Nottinqem”i sınağa çəkəcək. Bu gün keçiriləcək matç saat 18:00-da (bütün saatlar Bakı vaxtı ilə qeyd olunur – red.) start götürəcək. Çempionlar Liqasına vəsiqə uğrunda yarışan “Nyukasl” və “Tottenhem” birincilərin meydanında münasibətlərinə aydınlıq gətirəcəklər. Görüş sabah keçiriləcək və 17:00-da başlayacaq.
Turun “Mançester Yunayted” – “Çelsi” və “Brayton” – “Mançester Siti” matçları Federasiya Kuboku oyunlarına görə təxirə salınıb.
Almaniya Bundesliqasında turun əsas oyunları bu gün keçiriləcək. Lider “Bavariya” saat 17:30-da “Maynts”ın qonağı olacaq, ikinci yerdə qərarlaşan “Borussiya” (Dortmund) saat 20:30-da “Ayntraxt”ı qəbul edəcək.
İspaniya La Liqasında lider “Barselona”dan geri düşən Madrid “Real”ı öz meydanında “Selta”nı sınağa çəkəcək. Bu gün təşkil olunacaq matç saat 23:00-da başlayacaq. Kataloniya klubu isə sabah meydana çıxacaq. “Barsa” turun mərkəzi oyununda digər Madrid nəhəngi “Atletiko”nu qəbul edəcək. Oyunun start fiti saat 18:05-də səslənəcək.
Fransa Liqa 1-də 2-ci pillənin sahibi “Marsel” “Lion” səfərinə yollanacaq. Qarşılaşma sabah saat 22:45-də başlayacaq.
İtaliya A Seriyasında turun əsas matçları bazar günü təşkil olunacaq. Saat 14:30-da “İnter” “Empoli”nin qonağı olacaq. Saat 20:00-da “Milan” öz meydanında “Leççe”nin müqavimətini qırmağa çalışacaq. Turun mərkəzi oyunu silinmiş 15 xalı geri qaytarılan və 3-cü pilləyə yüksələn “Yuventus”la lider “Napoli” arasında Turində olacaq. Qarşılaşma saat 22:45-də start götürəcək.
Türkiyə Super Liqasında lider “Qalatasaray” öz meydanında “Karagümrük”ü sınağa çəkəcək. Sabah keçiriləcək oyun 20:00-da başlayacaq.
Həftəsonunun ən maraqlı oyunları
22 aprel
İngiltərə Premyer Liqası
18:00. “Liverpul” – “Nottinqem”
Almaniya Bundesliqası
17:30. “Maynts” – “Bavariya”
20:30. “Borussiya” (Dortmund) – “Ayntraxt”
İspaniya La Liqası
23:00. “Real” (Madrid) – “Selta”
23 aprel
Premyer Liqa
17:00. “Nyukasl” – “Tottenhem”
Fransa Liqa 1
22:45. “Lion” – “Marsel”
İtaliya A Seriyası
14:30. “Empoli” – “İnter”
20:00. “Milan” – “Leççe”
22:45. “Yuventus” – “Napoli”
La Liqa
18:15. “Barselona” – “Atletiko”
Türkiyə Super Liqası
20:00. “Qalatasaray” – “Karagümrük”
