Vətəndaşların rahat gediş-gəlişini təmin etmək məqsədilə Azərbaycan Avtomobil Yolları Dövlət Agentliyi tərəfindən cari ilin “İnvestisiya Proqramı”na uyğun olaraq, Suraxanı rayonu, Hövsan qəsəbəsində şəhid Elmaz Hacıyevin adını daşıyan küçədə aparılan təmir işləri yekunlaşmaq üzrədir.
Agentlikdən Doğru.az-a verilən məlumata görə, sözügedən küçənin uzunluğu 620 metr, hərəkət hissəsinin eni isə 6 metrdir.
Təmir çərçivəsində yararsız qruntun çıxarılması, əks-dolğu və küçənin profilə salınması işləri həyata keçirilib. Hazırda son mərhələdə – küçəyə yeni asfalt-beton örtüyünün döşənməsi işləri aparılır.
DOĞRU.AZ
