İngiltərə millisinin və “Mançester Yunayted”in sabiq futbolçusu Ueyn Runi İngiltərənin “Birmingem” klubunun baş məşqçisi vəzifəsindən qovulub.
Müvafiq məlumat komandanın rəsmi saytında dərc olunub.
Birmingem Çempionşip cədvəlində 20-ci yerdədir. Dünən Birmingem komandası səfərdə “Lids”ə 0:3 hesabı ilə sarsıdıcı məğlubiyyət alıb və bu səbəbdən də qələbəsiz seriya 5 oyuna çatıb.
Ümumilikdə Runinin rəhbərliyi altında komanda 15 oyun keçirib və cəmi ikisində qələbə qazanıb.
Mənbə: NTV Spor
