“Latsio”nun keçmiş idman direktoru İqli Tare, İtaliya klublarının rusiyalı futbolçularla müqavilə bağlamasının qadağan olunduğu məlumatlardan xəbərsiz olduğunu söylədi.
Onun sözlərini Euro-Futbol.Ru sitat gətirir.
“İtaliyada rus oyunçuların transferini qadağan etdilər? Mən bu barədə ilk dəfədir eşidirəm” dedi Tare.
Qadağanı agent Aleksey Safonov rusiyalı “Dinamo Moskva”nın futbolçusu Konstantin Tyukavinin Bolonyaya transferinin 2023-cü ilin yayında niyə baş tutmadığını izah edərkən açıqlayıb. Eyni zamanda, 2020-ci ildən “Atalanta”da çıxış edən rusiyalı yarımmüdafiəçi Aleksey Mirançuk İtaliyada çıxışını davam etdirir.
Mənbə: Sports.ru