Moldovada müxalif “Qələbə” blokunun nümayəndələri və tərəfdarları elektrik enerjisinin bahalaşmasına qarşı mitinqlər keçirib.
Bu barədə blokun mətbuat xidməti məlumat yayıb.
“Qələbə bloku Kişinyovda ANRE binası qarşısında prezident Maia Sandu və hakim PDS partiyasının yaratdığı enerji böhranına qarşı fləşmob keçirdi. Aksiya iştirakçıları elektrik enerjisi tariflərinin yüksək olmasından narazılıqlarını bildiriblər”, – deyə sosial şəbəkələrdə yayılan mesajda bildirilir.
Respublikanın digər 13 şəhərində də mitinqlər keçirilib.
Bundan əvvəl Moldova müxalifətinin “Qələbə” blokunun lideri İlan Şor bildirmişdi ki, ölkə prezidenti Maya Sandu Moldovanı Rumıniyanın enerji əsarətinə verməyi planlaşdırır.
Mənbə RİA Novosti
