Biatlon üzrə dördqat olimpiya çempionu Aleksandr Tixonov bildirib ki, Beynəlxalq Olimpiya Komitəsi (BOK) nümayəndələrinin bütün qərarları tamamilə yalnız Rusiyanı aşağılamaq məqsədi daşıyır.
O, fikirlərini RİA Novosti ilə bölüşüb.
“BOK-un bütün bu təklifləri və bəyanatları yalnız Rusiyanı aşağılamaq məqsədi daşıyır. Neytral statusla bağlı bütün qərarlar sırf təhqirdir. Biz böyük dövlətik, hansısa banan respublikası deyilik.
Biz Norveç deyilik ki, orada hamı donub, mən onlarla yarışmışam, bu ölkədə dəfələrlə olmuşam. Ömrümün sonuna qədər onlara dözə bilmərəm. Onlara nifrət edirəm, amma biz onları uzun illər yedizdirmişik. Finlandiya kimi”, – Tixonov bildirib.
Mənbə: Sports.ru
