Avropa Futbol Assosiasiyaları İttifaqının (UEFA) keçmiş prezidenti Mişel Platini qurumun hazırkı rəhbəri Aleksandr Çeferini və Beynəlxalq Futbol Federasiyasına (FİFA) rəhbərlik edən Canni İnfantinonu futbol haqqında deyil, yalnız maddi qazanc haqqında düşünməkdə ittiham edib.
“Həqiqət budur ki, Çeferin və İnfantino öz mövqelərini qəsb ediblər. Mən futbol oynadım, onlar isə siyasətlə məşğuldular. Onların proqramları yalnız daha çox matç oynamaq və daha çox pul qazanmaq üçün nəzərdə tutulub. Onlar futbol tarixini yaradan turnirlərə hörmət etmirlər”, – Platini İtaliyanın “La Stampa” qəzetinə deyib.
Mənbə: NTV Spor
Doğru.az
