Polis 2024-cü ildə Parisdə keçiriləcək Olimpiya Oyunlarının təşkilat komitəsinin qərargahına basqın edib.
Bu barədə “Reuters” məlumat yayıb.
Mənbənin məlumatına görə, axtarış Fransa milli maliyyə prokurorluğu tərəfindən həyata keçirilib.
“Təşkilatçılar onların istintaqını asanlaşdırmaq üçün müstəntiqlərlə tam əməkdaşlıq edirlər”, – mənbə bildirib.
Parisdə Olimpiya Oyunları 2024-cü il iyulun sonunda başlayacaq. Los-Anceles (ABŞ) da yarışmaya ev sahibliyi etmək iddiasında idi.
2022-ci il fevralın sonunda Beynəlxalq Olimpiya Komitəsi (BOK) beynəlxalq idman federasiyalarına müraciət edərək, Rusiya və Belarus idmançılarını heç bir yarışa buraxmamağı tövsiyə edib.
Mənbə: Reuters
