Comex birjasında qızılın fyuçers qiyməti aprelin 10-dan bəri ilk dəfə olaraq bir troy unsiyası üçün 3150 dollar həddini aşağı keçib.
Doğru.az xəbər verir ki, TASS agentliyi ticarət platformasına istinadən, Moskva vaxtı ilə saat 07:11-ə olan məlumata əsasən, qiymətli metalın dəyəri 3149 dollar səviyyəsinə düşüb. Lakin qısa müddət sonra qiymət 3152,3 dollara qədər korreksiya edib.
Qeyd edək ki, Alfa-Forex şirkətinin müştəri dəstəyi və satış departamentinin rəhbəri Aleksandr Şnayderman əvvəlki açıqlamasında qızılın qiymətinin 2025-ci ilin sonunadək 4000 dollara çata biləcəyini istisna etməmişdi.
DOĞRU.AZ
