“Mançester Siti”nin baş məşqçisi Xosep Qvardiola hücumçu Erlinq Haalandın bir mövsümdə vurulan qollara görə Premyer Liqanın rekordunu qırdığını deyib.
Onun sözlərini BBC yayıb.
“İnanılmaz. Onun cəmi 22 yaşı var və qarşıda daha beş oyunu var. Onun 60-cı dəqiqədəki het-trikindən sonra mən neçə matçda əvəzləmə etmişəm, bəlkə daha çox qol vurardı. Yaxud da inciyəcəkdi. O, xüsusidir, təbrik edirəm. Biz onun qol vuracağını gözləyirdik, lakin Koul və Şirerin rekordlarını qıracağını…” Qvardiola deyib.
Haaland İngiltərə Premyer Liqasının (APL) 28-ci turunda “Vest Hem Yunayted”lə oyunda qola imza atıb.
Mənbə: BBC.com
Doğru.az
