Portuqaliyalı “Əl-Nasr”ın hücumçusu Kriştianu Ronaldo Beynəlxalq Futbol Federasiyasının ilin ən yaxşı oyunçusu seçməsi üçün keçirilən səsvermədə iştirakdan imtina edib.
Müvafiq məlumat təşkilatın saytında yer alıb.
Ronaldo sorğuda Portuqaliya millisinin kapitanı kimi iştirak etməli idi, lakin Pepe əvəzində bunu etdi. “Portu”nun futbolçusu birinci yeri Bernard Silva, ikinci yeri Erlinq Haaland, üçüncü yeri Viktor Osimhenə verib. Maraqlıdır ki, o, sonda qalib gələn oyunçunu – Argentina millisinin və Amerikanın “İnter Mayami”sinin hücumçusu Lionel Messini seçməyib.
Mənbə: TRT Spor
