2025-ci ilin yanvar-aprel aylarında Rusiyadan Çinə neft tədarükü illik müqayisədə 14,2% azalıb.
Çin Xalq Respublikasının Baş Gömrük İdarəsinin TASS-a istinadən verdiyi məlumata görə, qeyd olunan dövrdə Çinə 17,08 milyard dollar dəyərində 32,38 milyon ton neft tədarük edilib.
Tədarükün azalmasına baxmayaraq, Rusiya Çinə enerji resursları verən ölkələr arasında hələ də birinci yerdədir.
Bundan əvvəl Rusiya baş nazirinin müavini Aleksandr Novak ölkənin Qazaxıstan üzərindən Çinə neft nəqlini artırmağa hazır olduğunu açıqlamışdı.
DOĞRU.AZ
