Venesuelanın şərqində, El-Kayo bələdiyyəsində baş verən mədən qəzası 14 şaxtaçının həyatına son qoyub. The Associated Press xəbər verir ki, hazırda ölənlərin cəsədlərinin çıxarılması istiqamətində axtarış-xilasetmə işləri davam etdirilir.
Doğru.az xəbər verir ki, ilkin məlumatlara görə, faciə bölgədə müşahidə olunan leysan yağışları nəticəsində şaxtanın çökməsi səbəbindən baş verib.
Məqalədə qeyd olunur:
“Axtarış və xilasetmə işləri suyun səviyyəsini aşağı salmaq üçün ərazidəki bütün mədənlərdən suyun vurulması ilə başlayıb.”
Xatırladaq ki, bundan əvvəl Kuzbassdakı “Yerunakovskaya-8” mədənində qaya uçqunu baş vermiş, nəticədə 150-dən çox insan təxliyə edilmişdi.
DOĞRU.AZ
