“Barselona”nın baş məşqçisi Xavi Hernandes La Liqada çempion olduqdan sonra komandasının futbolçularının istirahətindən danışıb.
“Məqsəd artıq əldə olunduğu halda, belə matçlara hazırlaşmaq çətindir. Belə nəticələr istirahətin nəticəsidir.
Futbolçuları başa düşürəm. Bizim çox sıx təqvimimiz var idi, üstəlik, dünya çempionatı mövsümün ortasında idi. Və problemlərimizi həll etdik. Amma bu matçlar da vacibdir və biz yaxşı təsir bağışlamaq istəyirik.
Fəxr edirəm ki, çətin anlarda belə birləşdik. Həm də unutmayaq ki, La Liqa və İspaniya Superkubokunu qazanmaqla dubl etdik”.
Bu gün “Valyadolid” İspaniya çempionatının 36-cı turu çərçivəsində “Barselona”nı qəbul edib. Oyun meydan sahiblərinin 3:1 hesablı qələbəsi ilə başa çatıb.
Mənbə: Sport.ru
