Futbol üzrə Xorvatiya yığmasının baş məşqçisi Zlatko Daliç kapitan Luka Modriçin milli komandadakı çıxışlarını davam etdirməsindən danışıb.
“Luka fenomenal matç keçirdi, o, 120 dəqiqə dayanmadan qaçdı və mən onunla ancaq fəxr edə bilərəm. Yığmada karyerasını başa vurub bitirməmək onun öz işidir. Bu, onun şəxsi seçimidir”, – Daliç 37 yaşlı Modriçin Millətlər Liqasının finalından sonra beynəlxalq karyerasını bitirə biləcəyi ilə bağlı xəbərləri şərh edərkən deyib.
Qeyd edək ki, İyunun 18-də Millətlər Liqasının finalında İspaniya yığması ilə qarşılaşan Xorvatiya millisi rəqibinə penaltilər seriyasında uduzub – 4:5.
Mənbə: TRT Spor
