Ukrayna Prezidenti Vladimir Zelenski sülh planının qalan bəndləri ilə bağlı razılığa gəlmək üçün ABŞ Prezidenti Donald Trampla görüşün vacib olduğunu bildirib.
Doğru.az xəbər verir ki, bu açıqlama Novini.LIVE portalında yayımlanan brifinqdə verilib.
Zelenskinin sözlərinə görə, tərəflər artıq planın 90%-i ilə bağlı razılığa gəlib. Qalan 10% isə təhlükəsizlik zəmanətləri, ərazi məsələləri və Ukraynanın bərpası ilə bağlıdır. Prezident vurğulayıb: “Bu asan deyil və heç kim bunun dərhal 100% olacağını demir. Amma hər görüşdə, hər söhbətdə istənilən nəticəni daha da yaxınlaşdırmalıyıq”.
Daha əvvəl bildirilmişdi ki, Zelenski yaxın günlərdə ABŞ Prezidenti Donald Trampın Floridadakı Mar-a-Laqo iqamətgahına gedərək danışıqlar aparmaq niyyətindədir. Axios isə ABŞ və Ukraynanın demək olar ki, razılığa gəldiyini xəbər verib.
DOĞRU.AZ
