Ukrayna Prezidenti Volodimir Zelenski Rusiya Silahlı Qüvvələrinin son hücumlarından sonra hərbi yardımın tez bir zamanda ölkəsinə çatdırılmasını gözlədiyini bildirib.
Doğru.az xəbər verir ki, dövlət başçısı bu barədə özünün rəsmi Telegram kanalında paylaşım edib.
“Bütün çatdırılmaların tez bir zamanda həyata keçirilməsini gözləyirik. Ukraynanın hər gün hava hücumundan müdafiə sistemlərinə ehtiyacı var”, – deyə Zelenski vurğulayıb.
Bu arada Almaniyanın “Der Spiegel” nəşri daha əvvəl Zelenski ilə Münhendə Kiyevin maliyyələşdirilməsi ilə bağlı aparılan danışıqların uğursuz nəticələndiyini yazmışdı.
Amerikalı hərbi analitik Andrey Martyanov isə Rusiyanın Ukrayna münaqişəsində qələbəsinin qaçılmaz olduğunu və bunun iki il əvvəl də aydın göründüyünü qeyd edib.
DOĞRU.AZ
