ABŞ prezidenti Co Bayden silahlıların Suriyanın paytaxtı Dəməşqə nəzarəti ələ keçirdiyi Suriyada baş verənləri diqqətlə izləyir.
Bu barədə “The New York Times” ABŞ Milli Təhlükəsizlik Şurasının nümayəndəsinin sosial şəbəkələrdəki bəyanatına istinadən yazır.
“Prezident Bayden Suriyadakı fövqəladə hadisələri diqqətlə izləyir”, – deyə bəyanatda bildirilir.
Dekabrın 8-i səhər saatlarında Əl Hadath telekanalı yaraqlıların Suriyanın paytaxtı Dəməşqə nəzarəti ələ keçirdiyi barədə məlumat yayıb.
Daha əvvəl ABŞ prezidentinin milli təhlükəsizlik üzrə müşaviri Ceyk Sallivan bildirib ki, ABŞ silahlıların güclənməsi təhlükəsi səbəbindən Suriyadakı vəziyyətdən narahatdır.
Bundan əlavə, ABŞ-ın yeni seçilmiş prezidenti Donald Tramp ABŞ-ın Suriyadakı vəziyyətə qarışmaması lazım olduğunu vurğulayıb.
DOĞRU.AZ
