Doğru.az xəbər verir ki, bu gün meyxana ustası, şöhrət ordeni laureatı Səlimov Ağasəlim Əliağa oğlunun doğum günüdür.
Ağasəlim Çildağ 1 fevral 1930-cu ildə Bakının Maştağa kəndində anadan olub.Meyxana sənədində ona yol göstərən görkəmli qəzəlxan Əli Ağa Vahid və möhtəşəm söz ustadı Ağahüseyin Əfzun olubdur.Meyxana ustadı Ağasəlim Çildağ söz məclislərində bədahətən söz demək, şeir səsləndirmək bacarığına malik idi.
Meyxanaçılığından əlavə Azərbaycan kinosuna da böyük marağı olubdur.Meyxana ustası özünü kinoda da sınayıbdır. 1995-ci ildə Əmir Pəhləvan və kino rejissor Vaqif Mustafayevin ssenarisi əsasında ekranlaşdırılan “Fransız” filmində Meyxana ustası roluna çəkilibdir.
Meyxana ustası, şöhrət ordeni laureatı Ağasəlim Çildağ 8 aprel 2008-ci ildə 78 yaşında şəkər xəstəliyındən dünyasını dəyişib.
Qeyd edək ki, meyxana ustadı Ağasəlim Çildağ meyxanaçı Ağamirzənin dayısıdır.
