Qılıncoynatmanın sablya növü üzrə qadınlardan ibarət Azərbaycan millisi Əlcəzairdə keçirilən Dünya Kubokunun mərhələ yarışında 9-cu yeri tutub.
Bu barədə Azərbaycan Qılıncoynatma Federasiyası məlumat yayıb.
Bildirilib ki, Anna Başta, Səbinə Kərimova, Palina Kaspiaroviç və Valeriya Bolşakovadan ibarət kollektiv komanda yarışında qüvvələrini sınayıblar.
Yaponiyaya 36:45 hesabı ilə məğlub olaraq ən güclü səkkizliyə yüksəlmək şansını əldən verən sablyaçılarımız 9-cu yer uğrunda görüşlərdə Rumıniya (45:37), Çin (45:44) və Polşa (45:40) yığmalarına qalib gəliblər.
Sablyaçıların şəxsi yarışında yalnız Valeriya Bolşakova ən güclü “32-liy”ə yüksəlməyi bacarıb.
DOĞRU.AZ
