Azərbaycan Respublikasının Prezidenti İlham Əliyevin tapşırıqlarına uyğun olaraq, prokurorluq orqanları vətəndaşların qəbulu və müraciətlərinin yerində həll olunmasını təmin etmək məqsədilə tədbirlər görür.
Baş Prokurorluğun mətbuat xidmətindən Doğru.az-a bildirilib ki, oktyabrın 3-də Baş prokuror Kamran Əliyev Bakı şəhəri Səbail Rayon Prokurorluğunun inzibati binasında Səbail rayonundan və digər bölgələrdən olan vətəndaşları qəbul edib.
Qəbulda iştirak edən 48 nəfər vətəndaşın müraciətində konkret cinayət işlərinin istintaqı, törədilmiş cinayətlər barədə məlumatların araşdırılması zamanı yol verilmiş qanun pozuntuları və məhkəmədə baxılan cinayət işləri üzrə dövlət ittihamının müdafiəsinə dair məsələlər müzakirə olunub. Baş prokuror vətəndaşların müraciətlərinin operativ həlli üçün müvafiq göstərişlər verib.
DOĞRU.AZ
