Boccia İdman Federasiyası “SENİ” şirkəti ilə əməkdaşlığı davam etdirəcək. Bu barədə Azərbaycan Boccia İdman Federasiyasının prezidenti Vüqar Behbudovun “SENİ” şirkətinin nümayəndəsi Fəridə Fərziyeva ilə keçirilən görüşündə bildirilib.
Qeyd olunub ki, 15 dekabrda Azərbaycanda Boccia idman növü üzrə “SENİ Cup” Azərbaycan Çempionatı baş tutacaq. Bununla bağlı təşkilati işlərin görülməsi üçün müvafiq tapşırıqlar verilib.
Çempionatın qrup mərhələləri üzrə yarışları 11 dekabr tarixində başlayacaq.
Final mərhələsi isə 15 dekabr tarixində Bakı şəhərində olacaq və nəticələrə əsasən Boccia üzrə Azərbaycan Milli Komandası formalaşdırılacaq. Yarışda Azərbaycanın bütün regionlarından 70-dən çox fiziki məhdudiyyətli idmançılar iştirak edəcəklər.
DOĞRU.AZ
