Müğənni Çinarə Məlikzadə Bakıda ilk böyük konsertini gerçəkləşdirib.
Sənətçi Heydər Əliyev Mərkəzinin həyətində sevənləri ilə bir araya gəlib.
Açıq havada təşkil olunan tədbirdə canlı ifa edən Çinarəni musiqiçilər müşayiət edib.
Müğənni “Qarşınıza çıxmaq məni həyəcanlandırsa da, qürurlu anlar yaşadım. Mənimlə birgə ifa etdiyiniz mahnılar hələ də qulağımdadır. Konsertimdə məni yalnız qoymayan tamaşaçılara təşəkkür edirəm!”, – deyə, konsertə gələnlərə minnətdarlığını bildirib.
Qeyd edək ki, çoxlu sayda melomanın qatıldığı konsert 2 saata yaxın davam edib.