Daşkəsən rayonunda “AzerGold” QSC, “Daşkəsən Dəmir Filiz” MMC, Rayon İcra Hakimiyyəti və Daşkəsən şəhər Kommunal Müəssisələri Kombinatının birgə təşkilatçılığı ilə ekoloji aksiya keçirilib.
Doğru.az xəbər verir ki, Zağalı kəndində keçirilən təmizlik aksiyasında 10 hektara yaxın sahə plastik, polietilen, metal, şüşə, kağız və digər tullantılardan təmizlənib, alaq otları biçilib, yığılmış tullantılar isə çeşidlənərək təkrar emala göndərilib.
Qeyd olunur ki, “AzerGold” QSC ölkənin dağ-mədən sənayesində fəaliyyət göstərən dövlət şirkəti olaraq ətraf mühitin qorunması və ekoloji layihələrdə fəal iştirak edir, regionda maarifləndirmə tədbirləri həyata keçirir.
DOĞRU.AZ
