Gürcüstanın hüquq-mühafizə orqanları Tbilisidə keçirilən etiraz aksiyalarında 200-dən çox adamı saxlayıb.
“Ümumilikdə İnzibati Xətalar Məcəlləsinə əsasən keçirilən etiraz aksiyalarında 224 nəfər saxlanılıb”, – deyə ölkənin Daxili İşlər Nazirliyi məlumat yayıb, RİA Novosti xəbər verir.
İdarənin qeyd etdiyi kimi, saxlanılanlardan 34-ü həbs edilib.
İki nəfər polis əməkdaşlarına basqın etməkdə və yanğın törədərək əmlaka ziyan vurmaqda ittiham olunur.
Bundan əvvəl etirazlar zamanı müxalifət liderlərindən biri Zurab Caparidzenin saxlanıldığı bildirilirdi.
DOĞRU.AZ
