Gürcüstan parlamentinin spikeri Şalva Papuaşvili deyir ki, hazırkı Amerika administrasiyasının Tbilisiyə qarşı sanksiyalar tətbiq etmək qərarı anlaşılmaz və mənasızdır.
O qeyd edib ki, Gürcüstanın keçmiş prezidenti Mixail Saakaşvilinin hakimiyyətinin son illərində ABŞ-da da eyni administrasiya hakimiyyətdə olub.
“İnsanlara işgəncələr xüsusilə qəddar oldu, azad media faktiki olaraq məhv edildi və biznes reketliyi dövlət sisteminin bir hissəsinə çevrildi. Biz nəinki sanksiyaları, hətta o zamankı ABŞ administrasiyasının dəqiq mövqeyini də xatırlamırıq”, – TASS Gürcüstan parlamentinin spikerindən sitat gətirir.
Bu baxımdan, Papuaşvilinin fikrincə, Vaşinqtonun hazırkı mövqeyi anlaşılmaz və mənasızdır.
Bundan əvvəl ABŞ hökumət üzvləri, qanunvericilər və hüquq-mühafizə orqanlarının əməkdaşları da daxil olmaqla 20 Gürcüstan vətəndaşına qarşı viza məhdudiyyəti tətbiq edib.
DOĞRU.AZ
