Gürcüstan Xarici İşlər Nazirliyi valideynləri övladlarını Tbilisidə etiraz aksiyalarının keçirildiyi parlament binasından aparmağa çağırıb.
“Müxtəlif KİV-lər yığıncaq və nümayişin keçirildiyi yerdə azyaşlı uşaqların göründüyü kadrları yayır… Hazırkı hərəkətlər dəfələrlə dinc toplantı çərçivəsindən kənara çıxıb və zorakılıq xarakteri alıb”, – TASS departamentin izahatına istinadən yazır.
Bundan əvvəl Tbilisidə etirazçıların pirotexniki vasitələrdən istifadə etməyə başladığı bildirilirdi.
Təhlükəsizlik qüvvələri təxribatçılara qarşı su şırnaqlarından istifadə edib.
DOĞRU.AZ
