Hollivud rejissoru Rob Reynerə məxsus olduğu bildirilən Los-Ancelesdəki evdə iki nəfərin cəsədi aşkarlanıb.
Doğru.az xəbər verir ki, bu barədə “TMZ” nəşri məlumat yayıb. Bildirilib ki, hadisə yerinə tibbi yardım göstərmək üçün çağırılan şəhər xidmətləri evdə təxminən 78 yaşlı kişi və 68 yaşlı qadının meyitini tapıb.
Nəşr qeyd edir ki, evin həqiqətən də məşhur rejissora məxsus olduğu təsdiqlənib. Lakin mərhumların şəxsiyyəti ilə bağlı hələlik rəsmi məlumat açıqlanmayıb. Hadisənin səbəbləri araşdırılır.
Qeyd edək ki, bir neçə gün əvvəl ABŞ-da daha bir ölüm hadisəsi baş verib. Belə ki, Hyuston şəhərindən olan 19 yaşlı Rays Universitetinin futbolçusu Kler Treysi ölü tapılıb. Hadisə ilə bağlı istintaq aparılır.
DOĞRU.AZ
