Dekabrın 17-də Medianın İnkişafı Agentliyinin Müşahidə Şurasının ilin yekunlarına həsr olunmuş iclası təşkil olunub. İclasda Müşahidə Şurasının sədri Dağbəyi İsmayılov, üzvlər Vüqar Əliyev, Şəfəq Mehrəliyeva, Sevil Mikayılova, Elçin Şıxlı və Agentliyin İcraçı direktoru Əhməd İsmayılov iştirak ediblər.
Doğru.az xəbər verir ki, iclas zamanı Agentliyin cari il ərzində həyata keçirdiyi fəaliyyətlər, prioritet istiqamətlər üzrə görülmüş işlər, beynəlxalq əməkdaşlıq çərçivəsində əldə olunan nəticələr və təşkil edilən layihələrin media mühitinə təsiri müzakirə olunub. Eyni zamanda, növbəti dövr üçün hədəflər və Azərbaycanın qlobal informasiya mühitində mövqeyinin gücləndirilməsi ilə bağlı fikir mübadiləsi aparılıb.
Görüş çərçivəsində Medianın İnkişafı Agentliyinin İcraçı direktoru Əhməd İsmayılov Müşahidə Şurasının üzvlərinə “Azərbaycan milli mətbuatının 150 illiyi (1875–2025)” yubiley medalını təqdim edib.
DOĞRU.AZ
