Medianın İnkişafı Agentliyi tərəfindən çap mediası subyektlərinin inkişafı, iqtisadi müstəqilliyinin gücləndirilməsi, fəaliyyətinin təkmilləşdirilməsi, habelə dövlət və cəmiyyət üçün əhəmiyyət kəsb edən layihələrin həyata keçirilməsi məqsədilə təşkil olunan müsabiqənin nəticələri açıqlanıb.
Doğru.az xəbər verir ki, müsabiqə çərçivəsində təqdim edilən layihələr qiymətləndirilib, qalib və maliyyə dəstəyi alacaq media subyektləri müəyyən edilib. Layihələrin seçimi zamanı onların ictimai əhəmiyyəti, peşəkarlıq səviyyəsi və medianın inkişafına verdiyi töhfə əsas meyarlar kimi nəzərə alınıb.
Qeyd edək ki, müsabiqə çap mediasının dayanıqlığının artırılmasına, media qurumlarının iqtisadi müstəqilliyinin gücləndirilməsinə və ölkədə sağlam media mühitinin formalaşdırılmasına xidmət edir.
DOĞRU.AZ
