Meksikanın Çiapas ştatında gizli dəfnlərdə 31 cəsəd tapılıb.
Bu barədə CBS News yerli hakimiyyət orqanlarına istinadən xəbər verir.
“Bu günə qədər biz cəmi 25 məxfi məzar aşkar etmişik, 31 cəsəd tapılmışdır, onlardan 29-u kişi, ikisi qadındır”, – deyə ştatın baş prokuroru Xorxe Luis Llaven Abarka bildirib.
Qeyd olunur ki, dövlət “narkotik və miqrant qaçaqmalçılığı üçün əsas mərkəzdir”.
Bundan əvvəl Meksikanın Quanaxuato şəhərində kafe və mağazalarda atışma nəticəsində 8 nəfər həlak olub .
DOĞRU.AZ
