İqtisadiyyat naziri, Azərbaycan Güləş Federasiyasının prezidenti Mikayıl Cabbarov U23 Avropa çempionatında birinci olmuş Azərbaycan milli komandasını təbrik edib.
Oxu.Az xəbər verir ki, bu barədə AGF rəhbəri “X” sosial şəbəkəsindəki hesabında yazıb.
“Bakıda keçirilən U23 Avropa çempionatına yekun vurulub. Sərbəst güləş üzrə millimiz komanda hesabında çempion olub. Yığmamızın üzvlərindən Cəbrayıl Hacıyev (74 kq) qızıl, Kənan Heybətov (70 kq) və Ali Tsokayev (79 kq) gümüş, Nürəddin Novruzovla (61 kq) Arseniy Djioyev (86 kq) isə bürünc medal qazanıb. Komandamızın üzvlərini və məşqçiləri təbrik edir, gələcək yarışlarda uğurlar arzulayıram”, – o qeyd edib.
DOĞRU.AZ
